Սիրիայում ամերիկյան ավիահարվածների հետևանքով զոհվել է ավելի քան 550 մարդ
Բրիտանական Reuters լրատվական գործակալության փոխանցմամբ՝ վերջին մեկ ամսում Սիրիայում «Իսլամական պետության» զինյալների դիրքերին ԱՄՆ-ի ու նրա դաշնակիցների ռազմաօդային ուժերի հասցրած ավիահարվածների հետևանքով զոհվել է 553 մարդ, որոնցից 32-ը քաղաքացիական անձինք են
Այս մասին հայտարարել է Մարդու աիրավունքների պահպանման սիրիական մոնիթորինգային կենտրոնը (Syrian Observatory for Human Rights): Զոհերի թվում կա վեց երեխա և 5 կին: Ավիահարվածները հիմնականում իրականացվել են Հալեպի, Ռաքքահի, Դեյր էզ-Զորի, Իդլիբի, ալ-Հասակաhի շրջաններում:
