Գանձագողերը քանդել են Մակարավանքի մուտքի մոտ գտնվող պատը
tesankyun.am-ը գրում է. Իջեւանի տարածաշրջանի սահմանամերձ Աչաջուր գյուղից 3 կմ հեռավորության վրա գտնվող, 10-11-րդ դարերին պատկանող Մակարավանքը հրապուրում է հավատացյալներին, զբոսաշրջիկներին:
Ցավոք, հնամենի վանական համալիրը ձգում է նաեւ գանձագողներին: Մոտ 2 տարի առաջ նրանք քանդել են Մակարավանքի մուտքի մոտ գտնվող պատը՝ գանձեր գտնելու նպատակով: Պատմական միջավայրի պահպանության Տավուշի մարզային ծառայության պետ Ռաֆիկ Մուրադյանն ասաց, որ դեպքի կապակցությամբ ինքը դիմել է ոստիկանություն, սակայն գանձագողերը չեն հայտնաբերվել:
