Թուրքիան ու Ադրբեջանը ստեղծել են Արևելքն ու Արևմուտքը միմյանց կապող էներգետիկ միջանցք. Էրդողան
Թուրքական TRT Haber հեռուստաալիքի փոխանցմամբ՝ Թուրքիան ու Ադրբեջանը, տարածաշրջանում իրագործելով համատեղ նախագծեր, ստեղծել են Արևելքն ու Արևմուտքը միմյանց կապող էներգետիկ միջանցք: Այս մասին հայտարարել է Թուրքիայի նախագահ Ռեջեփ Էրդողանը:
Նրա խոսքերով՝ այդ ամենի ակնառու օրինակներն են «Բաքու-Թբիլիսի-Կարս» (ԲԹԿ) երկաթուղու ու «Բաքու-Թբիլիսի-Ջեյհան» (ԲԹՋ) նավթամուղի նախագծերը: Անդրադառնալով «Անդրանատոլիական» (TANAP) գազատարի խնդրին՝ Էրդողանը հայտարարել է, որ այն գտնվում է իրագործման փուլում և ունի հատուկ նշանակություն աշխարհի էներգետիկ անվտանգությունն ապահովելու համար:
