Բագրատունյաց պողոտայում բախվել են «Մերսեդես»-ն ու «ՎԱԶ-2121»-ը
Սեպտեմբերի 21-ին, ժամը 20.11-ին տեղեկություն է ստացվել, որ Երևանի Բագրատունյաց պողոտայում` «Լճափ» բենզալցակայանի մոտակայքում, տեղի է ունեցել ՃՏՊ, առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Պարզվել է, որ բախվել են «Մերսեդես» մակնիշի 34 VV 059, 64 DA 444, 34 MV 682 և «ՎԱԶ-2121» մակնիշի 33 VO 957 պետհամարանիշերով ավտոմեքենաները. տուժածներ չկան:
Հրշեջ-փրկարարները դադարեցրել են «Մերսեդես» մակնիշի 64 DA 444 պետհամարանիշով ավտոմեքենայի գազի արտահոսքը և իրականացրել հերթապահություն:
