Կալիֆորնիայի սենատը ճանաչել է ԼՂՀ-ի անկախությունը
Asbarez պարբերականի փոխանցմամբ՝ ԱՄՆ Կալիֆորնիայի նահանգի Սենատը երեկ ձայների ճնշող մեծամասնությամբ ընդունել է ԼՂՀ-ի անկախության ճանաչման մասին AJR 32 բանաձևը:
Տվյալ բանաձևը ԱՄՆ-ի կոնգրեսին ու նախագահին կոչ է անում ճանաչել ու աջակցել ԼՂՀ-ի ինքնորոշմանն ու անկախացմանը, նրա ժողովրդավարական զարգացմանը: Այս մասին հայտնել են Ամերիկայի Հայ դատի հանձնախմբի Արևմտյան շրջանի ներկայացուցիչները: AJR 32 բանաձևը Կալիֆորնիա նահանգի վեհաժողովի կողմից ընդունվել էր այս տարվա մայիսին:
Հիշեցնենք, որ սրանից անմիջապես առաջ էլ Կալիֆորնիայի սենատը միաձայն ընդունել էր Հայոց ցեղասպանության մասին AB 1915 բանաձևը:
