Մեծ Բրիտանիայի փոխվարչապետը պահանջել է զրկել ՌԴ-ին 2018 թ. Ֆուտբոլի աշխարհի առաջնությունն անցկացնելու իրավունքից
Մեծ Բրիտանիայի փոխվարչապետ Նիք Քլեգը միացել է Ռուսաստանի Դաշնության նախագահ Վլադիմիր Պուտինի դեմ արշավին` պահանջելով զրկել Ռուսաստանին 2018թ. Ֆուտբոլի աշխարհի առաջնությունն անցկացնելու իրավունքից:
Ինչպես նշում է «The Guardian» հեղինակավոր պարբերականի կայքը, Քլեգը «Sunday Times» թերթին տված հարցազրույցում ասել է, որ Ռուսաստանին այդ իրավունքից զրկելը պետք է մտնի նրա ավելի խիստ պատժամիջոցների փաթեթի մեջ` Ուկրաինայի արևելքում մալայզիական ինքնաթիռը կործանելու համար:
Փոխվարչապետի խոսքով` «անհավատալի է», որ առաջնությունը կարող է անցկացվել մի երկրում, որն Արևմուտքի կողմից մեղադրվում է ինքնաթիռը կործանած անջատողական զինյալներին զենք մատակարարելու մեջ:
«Ինքնաթիռի այդ սարսափելի կործանումից հետո Եվրամիությանը պարզապես անհրաժեշտ է ավելի խիստ լինել Վլադիմիր Պուտինի հանդեպ»,- ավելացրել է Քլեգը:
