Պուտինին մոտ կանգնած օլիգարխները սկսել են իրենց ակտիվները դուրս բերել Լոնդոնից. The Daily Telegraph
The Daily Telegraph-ի փոխանցմամբ՝ Ռուսաստանի նախագահ Վլադիմիր Պուտինին մոտ կանգնած ռուսաստանցի խոշոր գործարարները սկսել են իրենց ակտիվները դուրս բերել Լոնդոնից: Այս մասին հայտարարել է Մեծ Բրիտանիայի վարչապետի պաշտոնական ներկայացուցիչը:
Նրա խոսքերով՝ Պուտինին մոտ կանգնած այդ գործարարները վախենում են պատժամիջոցների տակ ընկնելուց, ինչի համար էլ որոշել են գնալ այդ քայլին: Մեծ Բրիտանիայի վարչապետ Դևիդ Քեմերոնը երեկ եվրոպական երկրներին կոչ էր արել պատժամիջոցներ սահմանել Ռուսաստանի նախագահի «ընկերների» նկատմամբ:
Լոնդոնյան ընկերությունները սկսել են վերանայել Ռուսաստանի հետ արդեն իսկ կնքած գործարքները և հրաժարվում են ռուսական ընկերությունների հետ նոր հարաբերությունների մեջ մտնելուց:
Բանկերն իրենց հերթին սկսել են ստուգել հաճաախորդների ցուցակները՝ չխախտելու համար արդեն իսկ սահմանված պատժամիջոցները, ինչպես նաև ստուգել պայմանագրերի պայմանները, որպեսզի հասկանան, թե ինչ հետևանքներ կունենա դրանց խզումը:
