Ռուսաստանում մի շարք ՀԿ-ներ օտարերկրյա գործակալներ են համարվել
Ռուսաստանի արդարադատության նախարարությունը ռուսաստանյան հինգ հասարակական կազմակերպությունների է ավելացրել օտարերկրյա գործակալների ցուցակում, հաղորդում է «ՌԻԱ Նովոստի» գործակալությունը: Դրանց թվում են «Ագորա», «Հանրային դատավճիռ», «Մեմորիալ», Կալինինգրադի տարածաշրջանային «Էկոպաշտպանություն» եւ «Իրավաբաններ` հանուն սահմանադրական իրավունքի եւ ազատության» ՀԿ-ները:
Ավելի վաղ ՌԴ նախագահին կից մարդու իրավունքների հարցերով խորհրդի ղեկավար Միխայիլ Ֆեդոտովը Թաթարստանի դատախազին նամակով դիմել էր` պահանջելով իրավապաշտպան «Ագորա» ՀԿ-ն համարել օտարերկրյա գործակալ: Դատախազությունը կազմակերպությանն օտարերկրյա գործակալ է համարել` արտերկրից ֆինանսավորվելու պատճառով:
Դեռ փետրվարին մի շարք կազմակերպություններ դիմում-բողոք էին ուղարկել Մարդու իրավունքների եվրոպական դատարան` ոչ կառավարական կազմակերպությունների մասին օրենքի պահանջի հետ կապված, ըստ որի արտերկրից ֆինանսավորվող եւ քաղաքական գործունեությամբ զբաղվող ՀԿ-ները պետք է գրանցվեն որպես «օտարերկրյա գործակալ»:
