Այսօր Ուկրաինայում վճռվում է ողջ Եվրոպայի ճակատագիրը. Սաակաշվիլի
Грузия Online-ի փոխանցմամբ` Վրաստանի նախկին նախագահ Միխեիլ Սաակաշվիլին Шустер Live հաղորդման եթերում հայտարարել է, որ այսօր Ուկրաինայում վճռվում է ոչ միայն այդ երկրի, այլև` ողջ Եվրոպայի ճակատագիրը.
«Այսօր վճռվում է ոչ միայն ուկրաինական պետության ճակատագիրը, որին ցանկանում են ծնկի բերել, այլև վճռվում է ողջ Եվրոպայի ճակատագիրը: Ես կարծում եմ, որ Պուտինը չունի հեռանկարներ, հատկապես այն բանից հետո, ինչ տեղի ունեցավ երեկ (2 օր առաջ, մալայզիական ինքնաթիռի կործանում):
Հակամարտության ինտերնացիոնալությունն անխուսափելի է: Ուկրաինան ամեն դեպքում հաղթելու է, քանի որ ճշմարտությունը նրա օգտին է: Բարին միշտ հաղթում է չարին»:
Սաակաշվիլու խոսքերով` Եվրոպան պետք է մի շարք պատժամիջոցներ սահմանի Ռուսաստանի դեմ, որոնց թվում է «Դրուժբա» նավթամուղով նավթի գնման դադարեցումը, Ռուսաստանի նավթա-գազային ոլորտին տեխնոլոգիաներ մատակարարելու դադարեցումը և ռազմական համագործակցության ամբողջովին դադարեցումը:
Սաակաշվիլին հավելել է, որ եթե դա էլ բավական չլինի, ապա անհրաժեշտ է սառեցնել Ռուսաստանի արժութային բոլոր ռեզերվները:
