Էրդողանն Իսրայելին մեղադրել է «պաղեստինցիներին ցեղասպանության ենթարկելու» փորձերի մեջ
France-Presse լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանն Իսրայելի իշխանություններին մեղադրել է պաղեստինցիների հանդեպ սիստեմատիկ ցեղասպանություն իրականացնելու փորձերի մեջ.
«Յուրաքանչյուր Ռամադան ամսում մենք հետևում ենք սիստեմատիկ ցեղասպանության: Ողջ արևմտյան աշխարհը լուռ է»: Սրանից առաջ Էրդողանը հայտարարել էր, որ Պաղեստինի հանդեպ Իսրայելի քաղաքականությունը «հիմնված է կեղծիքի» վրա:
Իսրայելի պաշտպանության բանակը հուլիսի 8-ին մասշտաբային գործողություն է սկսել Գազայի հատվածը վերահսկող ՀԱՄԱՍ խմբավորման դեմ:
