Աբդուլլահ Գյուլը հերքել է նոր կուսակցություն ստեղծելու մասին լուրերը
Թուրքական Dünya Bülteni լրատվական կենտրոնի փոխանցմամբ՝ Թուրքիայի նախագահ Աբդուլլահ Գյուլը հերքել է շրջանառության մեջ դրված այն տեղեկությունները, թե շարունակելու է մնալ քաղաքականությունում՝ հիմնելով նոր կուսակցություն:
Աբդուլլահ Գյուլն ընդգծել է, որ երբևէ չի ունեցել նման մտքեր: Գյուլը հայտարարել է, որ նման լուրերն անհիմն են և չեն համապատասխանում իրականությանը: Սրանից առաջ հաղորդվել էր, թե Գյուլը հասկացնել է տվել, որ չի բացառում քաղաքական գործունեության շարունակումն օգոստոսին իր նախագահական լիազորությունների ավարտից հետո:
Թեև Գյուլն ավելի վաղ հայտարարել է, որ չունի քաղաքական պլաններ ապագայի վերաբերյալ, ԶԼՄ-ները շարունակում են չբացառել, որ եթե գործող վարչապետ և նախագահի թեկնածու Ռեջեփ Էրդողանն ընտրվի երկրի նախագահ, ապա Գյուլը կարող է դառնալ երկրի վարչապետ կամ էլ գլխավորել իշխող «Արդարություն ու զարգացում» կուսակցությունը:
Հիշեցնենք, որ Աբդուլլահ Գյուլը Էրդողանի ու Թուրքիայի փոխվարչապետ Բյուլենթ Արընչի հետ միասին հանդիսանում է ԱԶԿ-ի հիմնադիրներից մեկը:
