Էրդողանը մեծ ակնկալիքներ ունի ԵՄ-ում նախագահող Իտալիայից
Թուրքական TRT Haber հեռուստաալիքի փոխանցմամբ՝ Թուրքիայի վարչապետ, նախագահի թեկնածու Ռեջեփ Էրդողանն օտար երկրների դիվանագիտական առաքելությունների ղեկավարների հետ հանդիպման ժամանակ անդրադարձել է Կիպրոսի խնդրի կարգավորմանը.
«Կիպրական խնդրի լուծման համար անհրաժեշտ է հույն-կիպրացիների կամքը: Այդ հարցում մենք պահպանում ենք մեր մոտեցումը, որի համաձայն, մենք մշտապես գնում ենք մեկ քայլ առաջ: Մենք միջազգային հանրությունից ակնկալում ենք, որ նա հույն-կիպրացիներին կհասցնի մեր վճռական ուղերձները»:
Էրդողանը մանրամասնել է, որ իր խոսքերը մասնավորապես հասցեագրում է Իտալիային, ով ներկայումս նախագահում է ԵՄ-ում: Էրդողանն ընդգծել է, որ անահրաժեշտ է ազդակ հաղորդել ԵՄ-ին Թուրքիայի անդամակցության շուրջ բանակցություններին՝ Իտալիայի նախագահության ժամանակ բանակցային նոր գլուխների բացման տեսքով:
