ԵՄ-ը չի դիտարկում ռուսական գազի համար Ուկրաինայի պարտքը մարելու հնարավորությունը
Ռուսական РИА Новости լրատվական գործակալության փոխանցմամբ՝ ԵՄ-ը չի դիտարկում ռուսական գազի համար Ուկրաինայի պարտքը մարելու հնարավորությունը: Այս մասին լրագրողների հետ զրույցում հայտարարել է Եվրահանձնաժողովի՝ էներգետիկ հարցերով դեպարտամենտի ղեկավար Դոմինիկ Ռիստորին:
Ներկա դրությամբ ուկրաինական «Նավթոգազը» ռուսական «Գազպրոմին» պարտք է 5.3 միլիարդ դոլար: Այժմ Ուկրաինայի գազատրանսպորտային համակարգը ստանում է միայն գազի տարանցիկ ծավալ, որը նախատեսված է միմիայն Եվրոպայի համար:
Ռիստորին ընդգծել է, որ իրենք մակրոֆինանսական կարևոր օգնություն են ցուցաբերել Ուկրաինային՝ նպաստելով Ուկրաինայի էներգետիկ շուկայի բարեփոխմանը, սակայն չեն պատրաստվում մարել նրա գազային պարտքը:
ԵՄ-ն ընթացիկ տարում արդեն իսկ 600 միլիոն եվրոյի մակրոֆինանսական օգնություն է ցուցաբերել Ուկրաինային: Ընդհանուր առմամբ, ԵՄ-ը պլանավորել է 1.6 միլիարդ եվրո հատկացնել Ուկրաինային:
