Ռուսաստանը 2023 թվականին կդառնա աշխարհում հացահատիկի երրորդ ամենախոշոր արտահանողը. FAO
Ռուսաստանը 2023 թվականին կդառնա աշխարհում հացահատիկ արտահանող երրորդ ամենախոշոր երկիրը` ԱՄՆ-ից եւ Կանադայից հետո: Այս մասին նշվում է ՄԱԿ-ի Պարենի եւ գյուղատնտեսության կազմակերպության (FAO) զեկույցում:
Կազմակերպության հաշվարկներով` Ռուսաստանը 9 տարվա ընթացքում հացահատիկի արտահանման ծավալը կավելացնի 6%-ով` հասցնելով 22 մլն տոննայի: Միեւնույն ժամանակ` ԱՄՆ-ից հացահատիկի արտահանումը արտաքին շուկաներ 2023 թվականին որոշակի չափով կնվազի` հասնելով մինչեւ 28 միլիոն տոննայի, Կանադայից նույն ժամանակահատվածում արտահանումը կկազմի 22,3 մլն տոննա:
2013 թվականին Ռուսաստանը ցորենի արտահանման 18,5 մլն տոննա ծավալով Ավստրալիայի հետ միասին կիսել է չորրորդ տեղը` առաջին երեք տեղերը զիջելով համապատասխանաբար ԱՄՆ-ին, Եվրամիությանը եւ Կանադային:
