Սաակաշվիլիի թիկնազորի նախկին պետին կանչել են Գլխավոր դատախազություն
Новости-Грузия լրատվական գործակալության փոխանցմամբ՝ Վրաստանի պետական պահպանման հատուկ ծառայության նախկին աշխատակիցները, որոնք ժամանակին եղել են նախկին նախագահ Միխեիլ Սաակաշվիլու թիկնազորում, հարցաքննության նպատակով կանչվել են Վրաստանի գլխավոր դատախազություն:
Այս մասին հայտնել է «Ռուսթավի 2» հեռուստաընկերությունը: Մասնավորապես, հարցաքննության է կանչվել Սաակաշվիլիի թիկնազորի նախկին ղեկավար Թեմուր Ջանաշիան և թիկնազորի նախկին այլ աշխատակիցներ, Վրաստանի նախկին առաջին տիկին Սանդրա Ռուլովսի տնային աշխատակցուհին և «Ռուսթավի 2»-ի պահպանման ղեկավար Ռամազ Լապաչիշվիլին:
