Կրեմլը հերքել է Ուկրաինայի տարածքին ճշգրիտ հարվածներ հասցնելու մտադրություն ունենալը
ZN.UA-ի փոխանցմամբ՝ Կրեմլում անհեթեթություն են անվանել Ռուսաստանի տարածքից Ուկրաինայի տարածքին ճշգրիտ հարվածներ հասցնելու հնարավորության մասին տեղեկատվությունը: Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը:
Նրա խոսքերով՝ Ռուսաստանը չի դիտարկում Ուկրաինային հարվածներ հասցնելու հնարավորությունը, և որ այդ մասին տեղեկատվությունը չի համապատասխանում իրականությանը:
Սրանից առաջ Ռազմա-քաղաքական հետազոտությունների կենտրոնի ղեկավար, «Տեղեկատվական դիմակայություն» խմբի համակարգող Դմիտրի Տիմչուկը հայտարարել էր, թե Ռուսաստանը պատրաստվում է հուլիսի 15-ին իր հատուկջոկատայիններին Ռոստովի մարզից ուղարկել Ուկրաինայի տարածք:
Բացի այդ, Կրեմլին մոտ կանգնած աղբյուրը հայտնել էր, որ Մոսկվան դիտարկում է Ուկրաինայի տարածքին պատասխան ճշգրիտ հարվածներ հասցնելու հնարավորությունը:
