Վրաստանի վարչապետը խորհրդանշական կապ է գտել «Վրացական երազանքի» ու Գերմանիայի հավաքականի միջև
Грузия Online-ի փոխանցմամբ՝ Վրաստանի վարչապետ Իրակլի Գարիբաշվիլին Աշխարհի առաջնության ժամանակ երկրպագել է Գերմանիայի հավաքականին: Գարիբաշվիլին կառավարության այսօրվա նիստում խորհրդանշական է համարել, որ Վրաստանի ՏԻՄ ընտրություններում իրենց հաղթանակը համընկել է Աշխարհի առաջնության ավարտի հետ.
«Եվս մեկ անգամ շնորհավորում եմ ընտրություններն այդչափ հաջող ավարտելու կապակցությամբ, շնորհավորում եմ ողջ Վրաստանը, յուրաքանչյուր ընտրողին, որովհետև դա կարևոր է մեր երկրի համար:
Ինչպես մենք ասել էինք մինչև ընտրությունները, մենք հաղթելու ենք յուրաքանչյուր քաղաքում, շրջանում, գյուղում: Այդպես էլ եղավ, մենք ամենուրեք տարանք համոզիչ հաղթանակներ և խորհրդանշական է, որ դա համընկավ Աշխարհի առաջնության ավարտի հետ: Ես ի սկզբանե երկրպագել եմ Գերմանիային»:
