ՌԴ-ը կադրեր պատրաստելու հարցում կշարունակի օգնել ԱՊՀ երկրների հատուկ ծառայություններին. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը Մոսկվայում այսօր հանդիպել է հուլիսի 8-9-ին ԱՊՀ անդամ երկրների հետախուզական ծառայությունների ու անվտանգության ղեկավարների խորհրդաժողովի մասնակիցների հետ:
Պուտինը հայտարարել է, որ ԱՊՀ երկրների հատուկ ծառայությունները շարունակելու են կադրերի պատրաստման ոլորտում օգնություն ստանալ Ռուսաստանից.
«Մենք շարունակում ենք օգնել համագործակցության երկրներից մեր բարեկամներին՝ հատուկ ծառայությունների, անվտանգության մարմինների համար կադրեր պատրաստելու համար:
Ցանկանում եմ վստահեցնել ձեզ, որ մենք հետագայում նույնպես վարվելու ենք նման կերպ՝ բնականաբար դա համաձայնեցնելով ձեր կարիքների, ցանկությունների հետ»:
