«Րաֆֆու «սերը» և ուշադրությունը ՀՀ ԿԳՆ-ի և իմ հանդեպ վաղուց է հայտնի». Արմեն Աշոտյան
ՀՀ կրթության և գիտության նախարար Արմեն Աշոտյանը ֆեյսբուքի իր էջում անդրադարձել է «Ժառանգություն» կուսակցության առաջնորդ Րաֆֆի Հովհանիիսյանի այսօրվա հայտարարությանը։
«Րաֆֆի Հովհաննիսյանի հայտարարությունը չեմ կարող չմեկնաբանել:
Րաֆֆու «սերը» և ուշադրությունը ՀՀ ԿԳՆ-ի և իմ հանդեպ վաղուց է հայտնի: Իր այսօրվա տեսակետն այդ վերաբերմունքի դրսևորման շարքից է:
Հույս ունեմ, որ հաջորդ անգամ Րաֆֆին կհիշի ՀՀ ԿԳՆ-ի մասին պատեհ առիթով և տեղին, իսկ «քառյակային» հավատարմութունն ընդգծելու և իշխանություններից դիստանցվելու նպատակով այլ փաստարկներ կորոնի»:
Հիշեցնենք, որ ըստ Րաֆֆի Հովհաննիսյանի՝ կուսակցության վարչության անդամ, լրագրող Հրայր Մանուկյանին՝ ԱԱԾ-ի փորձին որպես կապավոր հանդես է եկել Կրթության և գիտության նախարարի խորհրդականը։
