Ադրբեջանում ստեղծվել է ընդդիմադիր «Ազատ դեմոկրատներ» կուսակցությունը
Ադրբեջանական Turan լրատվական գործակալության փոխանցմամբ՝ երեկ տեղի է ունեցել «Ազատ դեմոկրատներ» կուսակցության հիմնադիր համագումարը, որում կուսակցության նախագահ է ընտրվել Սուլհադդին Աքպերը:
«Ազատ դեմոկրատներ» կուսակցության ստեղծման կազմակերպչական կոմիտեն ստեղծվել է 2013 թվականի դեկտեմբերին: Կուսակցությունը ստեղծվել է «Բաց հասարակություն» կուսակցության բազայի վրա, որի առաջնորդը հանդիսացել է ԱՄՆ-ում վտարանդիության մեջ գտնվող Ռասուլ Գուլիևը:
Ակպերի խոսքերով՝ կուսակցության գաղափարական հիմքերը հենված են լիբերալ ժողովրդավարության արժեքների վրա: Կուսակցությունն իր առջև նպատակ է դրել կառուցել լիբերալ պետություն, ազատ, արդար հասարակություն և ապահովել քաղաքացիների բարօրությունը: «Ազատ դեմոկրատները» հանդես է գալու չափավոր աջակենտրոն ընդդիմադիր կուսակցության դիրքերից:
