Հղիներին պետական հավաստագիր կտրամադրվի

Օրերս Ստեփանակերտի Հանրապետական բժշկական կենտրոնում ներկայացվել է Ծննդօգնության պետական հավաստագրի ծրագիրը:

Ծննդօգնության պետական հավաստագիրը փաստում է, որ ԼՂՀ-ում հղիության ընթացքի եւ ծննդաբերության հետ կապված բժշկական օգնությունն ու սպասարկումն իրականացվում են անվճար` պետության կողմից երաշխավորված առողջապահական պետական նպատակային ծրագրերի շրջանակներում:

Հավաստագիրը լրացվում եւ տրվում է հղիներին այն բուժհաստատությունների կողմից, որտեղ նա հաշվառված է հղիության 22 շաբաթական եւ ավելի ժամկետների ընթացքում:

Հավաստագիրը ծննդաբերության ժամանակ բուժհաստատության կողմից մատուցված բժշկական ծառայությունների դիմաց, պետության կողմից ֆինանսական փոխհատուցման հիմք է:

 ԼՂՀ Առողջապահության նախարարություն