Թուրքիան կստանա նոր ղեկավար և ղեկավարման նոր համակարգ. Էրդողան
Թուրքական TRT Haber հեռուստաալիքի փոխանցմամբ՝ Թուրքիայի վարչապետ Ռեջեփ Էրդողանը կարծում է, որ եթե ընտրվի երկրի նախագահի պաշտոնում, ապա երկիրը կստանա նոր ղեկավար և ղեկավարման նոր համակարգ:
Էրդողանի խոսքերով՝ Թուրքիայի նոր նախագահի նպատակը պետք է լինի տնտեսության զարգացումն ու ամրապնդումը: Էրդողանը նաև ընդգծել է, որ նոր նախագահի առաջնահերթությունների թվում պետք է լինի երկրում ապօրինի կառույցների դեմ պայքարը:
Թուրքիայի իշխող կուսակցությունն այսօր Էրդողանի թեկնածությունն է առաջադրել օգոստոսի 10-ին կայանալիք նախագահական ընտրություններում:
