Առաջիկա նախագահական ընտրություններում Թուրքիայի իշխող կուսակցության թեկնածուն Էրդողանն է
Թուրքական Anadolu լրատվական գործակալության փոխանցմամբ՝ այսօր մեկնարկել է իշխող «Արդարություն ու զարգացում» կուսակցության (ԱԶԿ) մեծ համագումարը, որի ժամանակ պետք է ներկայացվեր առաջիկա նախագահական ընտրություններում ԱԶԿ-ի թեկնածուի անունը:
ԱԶԿ-ի պատգամավորները որոշել են առաջադրել գործող վարչապետ ու կուսակցության նախագահ Ռեջեփ Էրդողանի թեկնածությունը: Այդ որոշման տակ իրենց ստորագրությունն են դրել ԱԶԿ-ական բոլոր պատգամավորները:
Հիշեցնենք, որ սրանից առաջ Թուրքիայի գործող նախագահ Աբդուլլահ Գյուլը, ով նույնպես ներկայացնում է ԱԶԿ-ը, հայտարարել էր, որ իր թեկնածությունը չի առաջադրելու օգոստոսի 10-ին կայանալիք նախագահական ընտրություններում:
