Վազգեն Մանուկյանը շնորհավորել է Սերժ Սարգսյանին
«Մեծարգո պարոն Նախագահ,
ՀՀ Հանրային խորհրդի և անձամբ իմ անունից ի սրտե շնորհավորում եմ Ձեր ծննդյան 60-ամյակը:
Կանգնած լինելով Արցախյան ազատագրական շարժման ակունքներում` Դուք մեծ ներդրում եք ունեցել մեր մեծ հաղթանակի կերտման գործում: Ձեր անմնացորդ նվիրումի շնորհիվ նպաստել եք ազատ ու անկախ Արցախի կայացմանը, նվիրվել երկու հայկական պետությունների բանակաշինության գործին:
Հայաստանի Հանրապետության Նախագահի պաշտոնում Ձեր գործունեության ամբողջական գնահատականն, անշուշտ, կտա ժամանակը, սակայն լիահույս ենք, որ բարձր պատասխանատվության ու անխոնջ աշխատանքի շնորհիվ կկարողանաք իրականացնել բոլոր այն նպատակներն ու ծրագրերը, որոնք դրված են մեր պետության ու ժողովրդի առջև:
Մաղթում ենք Ձեզ քաջառողջություն, երկար տարիների կյանք, անսպառ եռանդ ու հաջողություններ»:
ՀՀ Հանրային խորհրդի նախագահ Վազգեն Մանուկյան
