Մամիկոն Խոջոյանի հարցով դիմելու ենք ՄԻԵԴ. Tert.am
«Ընդդեմ իրավական կամայականության» հասարակական կազմակերպության նախագահ Լարիսա Ալավերդյանը, Tert.am-ի հետ զրույցում անդրադառնալով փաստին, որ ադրբեջանական գերության մեջ եղած Մամիկոն Խոջոյանի նկատմամբ կիրառված դատաբժշկական և դատաքիմիական փորձաքննությունից պարզվել է, որ նրան արյան և մեզի փորձանմուշից նավթամթերք, հոգեմետ դեղամիջոց է հայտնաբերվել, ասաց, թե պատրաստվում են դիմել Մարդու իրավունքների եվրոպական դատարան (ՄԻԵԴ):
«Պետք է գան Մամիկոն Խոջոյանի հարազատները, պետք է անենք այդ քայլը: Հուսամ, որ մի ամսվա ընթացքում մենք կկարողանանք փաստաթղթերով դիմել ՄԻԵԴ»,- ասաց Լարիսա Ալավերդյանը։
«Անկախ նրանից, այդ ներարկումները եղել են Մամիկոն Խոջոյանի մահվան պատճառ, թե ոչ, միևնույն է, մենք դիմելու էինք ՄԻԵԴ, դա ուղղակի կարևոր ապացույց էր տեղի ունեցածի մասին»,– ավելացրեց նա:
Ամբողջությամբ կարող եք կարդալ սկզբնաղբյուր կայքում:
