«Մերսեդես»-ն ամբողջությամբ այրվել է, իսկ վարորդը և ուղևորը այրվածքներով տեղափոխվել են հիվանդանոց
Հունիսի 20-ին ոստիկանության Արտաշատի բաժնում հաղորդում է ստացվել, որ «Մերսեդես E 280» մակնիշի ավտոմեքենան ժամը 22.40-ի սահմաններում Արևշատ-Վարդաշեն ճանապարհին բախվել է էլեկտրասյանն ու գազի խողովակատարին:
Պատահարի հետևանքով ավտոմեքենան ամբողջությամբ այրվել է, իսկ վարորդը և ուղևորը տարբեր աստիճանի այրվածքներով տեղափոխվել են հիվանդանոց:
Կատարվում է նախաքննություն:
ՀՀ Ոստիկանություն
