Կարկուտը Լեռնավան գյուղում վնասել է բանջարաբոստանային կուլտուրաներ

Հունիսի 20-ին, ժամը 15.33-ին տեղեկատվություն է ստացվել, որ ս.թ. հունիսի 19-ին ժամը 21.00-ից մինչև ժ.21.40-ը Լեռնավան գյուղում տեղացել է կարկուտ, ինչից վնասվել են գյուղի ցանքատարածքները մոտ 130հա և բանջարաբոստանային կուլտուրաները:

Նշված տարածքը ՀՀ ԱԻՆ «ՄԵՎԱՆԾ» ՊՈԱԿ-ի կողմից չի վերահսկվում:

Դեպքի մասին տեղեկացվել է մարզպետարանի աշխատակազմի գյուղատնտեսության և բնապահպանության վարչության առաջատար մասնագետ Վ.Մ.-ը, իսկ ժամը 16.05-ին՝ ՃԿԿ-ում ՀՀ գյուղատնտեսության նախարարության պատասխանատու Գ.Ղ.-ը:

ՀՀ Արտակարգ իրավիճակների նախարարություն