Վահագնի թաղամասում օձեր են հայտնաբերվել

Հունիսի 17-ին, ժամը 11.09-ին ահազանգ է ստացվել, որ Երևանի Վահագնի թաղամասի Արալեռ փողոցի թիվ 3/1 հասցեում գտնվող մանկապարտեզի տարածքում օձ է նկատվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները հայտնաբերել են գյուրզա տեսակի 2 օձ և տեղափոխել անվտանգ տարածք:

ՀՀ Արտակարգ իրավիճակների նախարարություն