Փաստաբան Ինեսսա Պետրոսյանը բացատրություններ է ներկայացրել՝ իր գործունեությանը խոչընդոտելու դեպքի առթիվ. «Փաստինֆո»
Փաստաբան Ինեսսա Պետրոսյանն այսօր հրավիրվել է ոստիկանության Ներքին անվտանգության ծառայություն և բացատրություններ ներկայացրել՝ շաբաթ օրը իր փաստաբանական գործունեությանը խոչընդոտելու դեպքի վերաբերյալ:
Այս մասին «Փաստինֆո»-ի թղթակցին հայտնեց Ինեսսա Պետրոսյանը:
Նշենք, որ ՀՀ ոստիկանությունում ծառայողական քննություն է սկսվել մամուլի հրապարակումների հիման վրա:
Ինչպես արդեն «Փաստինֆո»-ն տեղեկացրել է, փաստաբան Ինեսսա Պետրոսյանը 15 տարվա իր գործունեության ընթացքում առաջին անգամ ընդհարվել էր «անհաղթահարելի» արգելքի՝ Ոստիկանության Սևանի քննչական բաժնի պետ Վարդանյանի հետ. նա, սահմանազանցելով իր լիազորությունները և դրանք յուրովի պատկերացնելով, կոպիտ կերպով միջամտել էր քննչական գործողության ընթացքին, թեև այդ գործողության մասնակից չէր:
Մանրամասներն՝ այստեղ
