ԱՄՆ-ն կարող է օդային հարված հասցնել Իրաքին
ԱՄՆ նախագահ Բարաք Օբաման հայտարարել է, որ ԱՄՆ-ն Իրաքին կօգնի զինյալների դեմ պայքարում, սակայն զորքեր չի մտցնի այնտեղ, հաղորդում է RT-ն: Նա ասել է, որ առաջիկայում կդիտարկեն տարբերակներ, ինչը կարող է նշանակել նաեւ օդային հարվածների իրականացում: Սակայն որոշում դեռեւս ընդունված չէ: Նա նաեւ ավելացրել է, որ ԱՄՆ-ն չէ, որ պետք է լուծի Իրաքի խնդիրը:
«Մենք նորից զորքեր չենք ուղարկի Իրաք, սակայն ազգային անվտանգության հարցերով փորձագետների թիմին հանձնարարել եմ մշակել մի շարք այլ միջոցառումներ, որոնք կարող են օգնել Իրաքի անվտանգության ուժերին: Այդ առաջարկները կքննարկենք առաջիկայում: Սական պատշաճ քաղաքական ջանքերի բացակայության պարագայում կարճատեւ ռազմական գործողությունները, այդ թվում` աջակցությունը, որը կարող ենք ցուցաբերել, հաջողություն չեն ունենա»,-հայտարարել է նա:
