Երևանի տարբեր թաղամասերում օձեր են հայտնաբերվել
Հունիսի 1-ին, ժամը 22.00-ին ահազանգ է ստացվել, որ Երևանի Հ. Էմինի փողոցի թիվ 9ա տան մոտակա այգում օձ է նկատվել. անհրաժեշտ է փրկարարների օգնությունը: Դեպքի վայր ժամանած փրկարարները հայտնաբերել են գյուրզա տեսակի օձ և տեղափոխել անվտանգ տարածք:
Հունիսի 1-ին, ժամը 18.57-ին ահազանգ է ստացվել, որ Երևանի Ռուբինյանց փողոցում՝ «Ալմաստ» գործարանի մոտակայքում, օձ է նկատվել. անհրաժեշտ է փրկարարների օգնությունը: Դեպքի վայր ժամանած փրկարարները հայտնաբերել են շահմար տեսակի օձ և տեղափոխել անվտանգ տարածք:
Հունիսի 1-ին, ժամը 17.44-ին ահազանգ է ստացվել, որ Երևանի Սիլիկյան թաղամասի 2 փողոցի տներից մեկի մոտակայքում գտնվող ծառի վրա օձ է նկատվել. անհրաժեշտ է փրկարարների օգնությունը: Դեպքի վայր ժամանած փրկարարները հայտնաբերել են գյուրզա տեսակի օձ և տեղափոխել անվտանգ տարածք:
Արտակարգ իրավիճակների նախարարություն
