Չինաստանը դատապարտել է ՌԴ-ի դեմ սահմանված պատժամիջոցները

Ռուսական РИА Новости լրատվական գործակալության փոխանցմամբ՝ Պեկինը չի աջակցում Մոսկվայի դեմ միակողմանիորեն սահմանված պատժամիջոցներին: Այս մասին այսօր ռուս լրագրողների հետ զրույցում հայտարարել է Ռուսաստանում Չինաստանի դեսպան Լի Խուեյը.

«Մենք առարկում ենք Ռուսաստանի հանդեպ սահմանված միակողմանի պատժամիջոցների դեմ, դրանք չեն կարող օգնել՝ լուծելու խնդիրները: Պատժամիջոցների սահմանումը միայն կուժեղացնի ուկրաինական հակամարտության շուրջ լարվածությունը: Չինաստանը մտադիր է զարգացնել երկկողմ համագործակցությունը Ռուսաստանի հետ»: