Պուտինը S-400 զենիթա-հրթիռային համալիրների վաճառքի հարցում «կանաչ լույս» է վառել Չինաստանի առջև
Թուրքական Dünya Bülteni լրատվական կենտրոնի փոխանցմամբ՝ Ուկրաինայի շուրջ Ռուսաստանի ու ԱՄՆ-ի միջև դիմակայությունից շահեկան դիրքերում է հայտնվել Չինաստանը:
Լրատվամիջոցն ընդգծում է, որ Ռուսաստանի նախագահ Վլադիմիր Պուտինը S-400 նորագույն զենիթա-հրթիռային համալիրների վաճառքի հարցում «կանաչ լույս» է վառել Չինաստանի առջև: Չինաստանը ռուսական տվյալ համակարգերով հետաքրքրված է դեռևս 2011 թվականից:
Չինական Global Times ինտերնետային կայքում նշված է, որ S-400-ների շնորհիվ Պեկինն առավելություն է ստանում Արևելա-չինական ծովի վիճելի կղզիների և Թայվանի նեղուցի օդային տիրույթում, ուր Չինաստանը խնդիրներ ունի Ճապոնիայի հետ:
