Անկարայի դատախազությունը հետաքննություն է սկսել Ֆեթհուլլահ Գյուլենի նկատմամբ
Թուրքական Dünya Bülteni լրատվական կենտրոնի փոխանցմամբ՝ Անկարայի հանարապետական դատախազությունը հետաքննություն է սկսել ԱՄՆ-ում բնակվող իսլամական հասարակական գործիչ Ֆեթհուլլահ Գյուլենի նկատմամբ:
Հետաքննությունը տարվում է Թուրքիայում պետական հեղաշրջում կազմակերպելու փորձ ձեռնարկելու մասին մեղադրանքի շրջանակներում: Ուշագրավ է, որ Գյուլենի գործով զբաղվում է Սահմանադրության դեմ կատարված հանցանքների գործերի համար պատասխանատու դատախազությունը:
Ֆեթհուլլահ Գյուլենին մեղադրում են Թուրքիայում «զուգահեռ կառույց» կամ «զուգահեռ պետություն» (պետություն պետության մեջ) ստեղծելու մեջ, որը նպատակադրվել է տապալել երկրի գործող կառավարությանը:
Հիշեցնենք, որ Թուրքիայի վարչապետ Ռեջեփ Էրդողանը երեկ հույս էր հայտնել, որ ԱՄՆ-ը շուտով կարտահանձնի Ֆեթհուլլահ Գյուլենին:
