Անկախ պատգամավորը միացավ ՀՀԿ-ին
Քիչ առաջ խորհրդարանը քվեարկեց «Ակցիզային հարկի մասին» օրենքում փոփոխություններ կատարելու մասին օրենքի նախագիծը։
Այս փոփոխությանը կողմ քվեարկեցին 67 պատգամավորներ, այդ թվում՝ նաև «Ազատ դեմոկրատներ» կուսակցության նախագահ, «Ժառանգության» ցուցակով պատգամավոր ընտրված, ապա «Ժառանգություն» խմբակցությունից դուրս եկած, անկախ պատգամավոր Խաչատուր Քոքոբելյանը։
Սա ուշագրավ էր նրանով, որ խորհրդարանական 5 ոչ իշխանական խմբակցությունները հայտարարել էին քվեարկությունը բոյկոտելու մասին։
