Կարմիր խաչի ներկայացուցիչներն այցելել են Ադրբեջանում պահվող հայ գերիներին
Ադրբեջանական APA լրատվական գործակալության փոխանցմամբ՝ Կարմիր Խաչի միջազգային կոմիտեի (ԿԽՄԿ) ներկայացուցիչներն այցելել են Ադրբեջանում պահվող հայ գերիներին:
Այս մասին հայտարարել է Ադրբեջանում ԿԽՄԿ-ի ներկայացուցչության՝ հասարակական կապերի բաժնի ղեկավար Իլահ Հուսեյնովը: Նրա խոսքերով՝ տեսակցությունն իրականացվել է ապրիլի 29-ին: ԿԽՄԿ-ի միջոցով գերիներին ու նրանց ընտանիքներին փոխանցվել են տեղեկություններ:
Նշվում է, որ հայ ընտանիքը (Եղիշե, Ռուզաննա, Ալֆրեդ, Գայանե և Պետրոս Գևորգյաններ) ադրբեջանական գերության մեջ է հայտնվել 2010 թվականի հունվարին, իսկ Հակոբ Ինջիղուլյանը՝ նախորդ տարվա օգոստոսի 7-ի լույս 8-ի գիշերը (Աղդամի հատվածում):
