Ադրբեջանական բանակում զինված միջադեպ է գրանցվել
Ադրբեջանական APA լրատվական գործակալության փոխանցմամբ՝ ադրբեջանական բանակում զինված միջադեպ է գրանցվել: Չի հաղորդվում, թե որ շրջանի կամ քաղաքի զորամասում է գրանցվել այն:
Զինծառայող Ջավիդ Միրզոևն անվտանգության կանոնների խախտման հետևանքով պատահաբար կրակել է իր ծառայակից Նասիմ Ռուստամովի վրա: Վերջինս հրազենային վնասվածքով հոսպիտալացվել է:
Նրա առողջական վիճակը գնահատվում է միջին ծանրության: Ադրբեջանի ՊՆ-ի մամլո ծառայությունը հաստատել է փաստը: Տվյալ փաստով հարուցվել է քրեական գործ, տարվում է հետաքննություն:
