ԵՄ-ն հերքում է Գերմանիայի դեսպանին. «ՀԺ»
«ՀԺ»-ն գրում է. «Հայաստանում Գերմանիայի արտակարգ ու լիազոր դեսպան Ռայներ Մորելը նախօրեին լրատվական կայքերից մեկի հետ զրույցում հայտնել է, որ Հայաստանը նույնիսկ Մաքսային միության մուտք գործելուց հետո կարող է Եվրոպական միության հետ Ասոցացման համաձայն ագրի քաղաքական մասը ստորագրել։
Դեսպանը կարծիք է հայտնել, որ Հայաստանի և ԵՄ միջև փաստաթուղթն ամենայն հավանականությամբ այլ անուն կունենա, քանի որ Ասոցացման համաձայնագիրը համագործակցության այլ շրջանակների է վերաբերում։
«Սա մեր ցանկությունն է գերմանական կողմից, և կարծում եմ՝ նաև եվրոպական կողմից։ Մենք կստորագրենք որոշակի փաստաթուղթ, սակայն պետք է տեսնենք, թե ինչպիսին կլինի այդ փաստաթուղթը»,– մասնավորապես հայտնել է Ռայներ Մորելը ։
Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեի խոսնակ Փիթեր Ստանոն երեկ մեր զրույցում զարմացավ՝ լսելով, որ դեսպանը նման արտահայտություն է արել, և հայտնեց, որ Ասոցացման համաձայնգիրը Մաքսային միություն մտնող Հայաստանը չի կարող ստորագրել ոչ ամբողջական, ոչ էլ մաս առ մաս։ Ստանոն հայտնեց, որ այսօր Հայաստանի և ԵՄ-ի օրակարգում մեկ հարց է գտնել ընդհանուր ոլորտներ հետագայում համագործակցելու համար, և անհրաժեշտություն դեպքում նոր համապատասխան համաձայնագիր կկազմվի և կորոշվի դրա անունը։
«Մենք նոյեմբերին Արևմտյան գործընկերության շրջանակներում արդեն հաստատել ենք այն ձևաչափը, որի համաձայն ցանկանում ենք աշխատել Հայաստանի հետ, զարգացնել և ամրացնել համագործակցությանը ընդհանուր հետաքրքրություն ունեցող ոլորտներում ԱլԳ-ի շրջանակներում։ Չնայած հիմա մենք ի վիճակի չենք իրագործել Ասոցացման համաձայնագիրը և ԽՀԱԱԳ-ն Հայաստանի հետ՝ մենք պատրաստ ենք զարգացնել մեր հարաբերությունները Հայաստանի հետ հիմնվելով այն ամենի վրա, ինչը ձեռք ենք բերել այսքան տարիների ընթացքում»,– մեր զրույցում ասաց Ստանոն։
Մանրամասները՝ «Հայկական Ժամանակի» այսօրջա համարում։
