ԲՀԿ-ն կո՞ղմ կքվեարկի Գալուստ Սահակյանին
168.am-ի հետ զրույցում ԱԺ «Բարգավաճ Հայաստան» խմբակցության քարտուղար Նաիրա Զոհրաբյանը տեղեկացրեց, որ խմբակցությունը որոշում է կայացրել ԱԺ նախագահի՝ այսօր կայանալիք ընտրություններում չպաշտպանել առաջադրված թեկնածուներից որևէ մեկին և քվեարկությանը մասնակցել ազատ ռեժիմով:
Հիշեցնենք, որ ԱԺ ՀՅԴ և ՀԱԿ խմբակցությունները հայտարարել են քվեարկությանը չմասնակցելու մասին: ԲՀԿ-ի՝ քվեարկությանն ազատ ռեժիմով մասնակցությունը կարող է նշանակել աջակացություն ՀՀԿ-ի թեկնածու Գալուստ Սահակյանին:
Թե հատկապես քանի՞ ձայնով կարտահայտվի այդ աջակցությունը, պարզ կլինի քվեարկության արդյունքների ամփոփումից հետո:
Հաշվի առնելով այն հանգամանքը, որ ԱԺ նախագահի թեկնածուները երկուսն են՝ Գալուստ Սահակյան և ՀԱԿ խմբակցության պատգամավոր Հրանտ Բագրատյան՝ դժվար չէ ենթադրել, որ ԲՀԿ-ականների մեծ մասը ազատ ռեժիմով քվեարկության պայմաններում իր ձայնը կտա Գալուստ Սահակյանին: Տեղեկացնենք, որ ԱԺ նախագահի ընտրությունը անց է կացվելու փակ ռեժիմով:
