Իրանը փորձարկել է նոր տիպի հրթիռներ
Իրանական Fars լրատվական գործակալության փոխանցմամբ` Իրանը փորձարկել է երկու նոր տիպի հրթիռներ: Այս մասին հայտարարել է Իրանի զինված ուժերի ցամաքային զորքերի փոխհրամանատար Կիյումերս Հայդարին:
Նա մանրամասներ չի ներկայացրել նոր հրթիռների մասին, սակայն փոխարենը հայտնել է, որ նոր հրթիռներն իրենց առանձնահատկություններով գերազանցում են «Նազիաթ-10» տիպի հրթիռներին: Նա ընդգծել է, որ մինչև զանգվածային արտադրմանն անցում կատարելն այդ հրթիռները պետք է անցնեն մի քանի փուլ:
