Յացենյուկը մեկնել է Վատիկան
Ուկրաինական UNIAN լրատվական գործակալության փոխանցմամբ՝ Ուկրաինայի վարչապետ Արևսենի Յացենյուկը մեկնել է Վատիկան՝ հանդիպելու համար Հռոմի պապ Ֆրանցիսկոսի հետ: Այս մասին հայտարարել է Ուկրաինայի ԱԳՆ-ի տեղեկատվական քաղաքականության դեպարտամենտի տնօրեն Եվգենի Պերեբիյնիսը:
Նա մանրամասնել է, որ Յացենյուկի այցի ծրագրում ներառված է նաև Իտալիայի վարչապետ Մատեո Ռենցիի և Վատիկանի պետքարտուղար Պիետրո Պարոլինոյի հետ հանդիպելը: Յացենյուկը կմասնակցի Հովհաննես Պողոս 2-րդ և Հովհաննես 23-րդ Հռոմի պապերի սրբացման արարողությանը, որը տեղի է ունենալու ապրիլի 27-ին:
Պերեբիյնիսը հիշեցրել է, որ Ուկրաինայի վարչապետը վերջին անգամ Իտալիա է մեկնել 1998 թվականին, իսկ Վատիկան՝ 2009 թվականին:
