Մայիսի սկզբին Թբիլիսիում տեղի կունենա Վրաստանի, Թուրքիայի ու Ադրբեջանի նախագահների հանդիպումը
Ադրբեջանական Trend լրատվական գործակալության փոխանցմամբ՝ մայիսի սկզբին Թբիլիսիում տեղի է ունենալու Վրաստանի, Թուրքիայի ու Ադրբեջանի նախագահներ Գիորգի Մարգվելաշվիլու, Աբդուլլահ Գյուլի ու Իլհամ Ալիևի գագաթաժողովը:
Այս մասին այսօր լրագրողների հետ զրույցում հայտարարել է Վրաստանի փոխարտգործնախարար Դավիթ Զալկալիանին: Նրա խոսքերով՝ այդ գագաթաժողովում ներկայացված է լինելու Վրաստանի բարձրագույն իշխանությունը.
«Գագաթաժողովի շրջանակներում, բնականաբար, քննարկվելու են տվյալ երկրների միջև համագործակցության հարցերը: Երկու երկրներն էլ կարևոր են մեզ համար: Մենք ունենք էներգո և ենթակառուցվածքային հետաքրքիր նախագծեր, և այդ թեմաները կլինեն հանդիպման գլխավոր թեմաներից մեկը»:
Նախագահների հանդիպումն անցացվելու է եռակողմ ձևաչափով:
