ԱՄՆ-ի փոխնախագահ Ջոզեֆ Բայդենը ժամանել է Ուկրաինա
Ուկրաինական UNIAN լրատվական գործակալության փոխանցմամբ՝ ԱՄՆ-ի փոխնախագահ Ջոզեֆ Բայդենը ժամանել է Ուկրաինա: «Բորիսպոլ» օդանավակայանում նրան դիմավորել են Ուկրաինայի արտգործնախարարի պաշտոնակատար Անդրեյ Դեշչիցան ու Ուկրաինայում ԱՄՆ-ի դեսպան Ջեֆրի Պայետը:
Լրագրողների հետ զրույցում Դեշչիցան հայտարարել է, որ Ուկրաինան Բայդենի այցից ակնկալում է Ուկրաինայի ու ԱՄՆ-ի միջև ինտենսիվ երկխոսության հաստատում: Դեշչիցան ակնկալում է, որ ի կատար կածվեն Ուկրաինայի վարչապետ Արսենի Յացենյուկի ամերիկյան այցի ժամանակ Ուկրաինայի ու ԱՄՆ-ի միջև ձեռք բերված պայմանավորվածությունները:
