Պուտինը ստորագրել է Ղրիմի թաթարների, հայերի ու մյուսների ռեաբիլիտացիայի մասին հրամանը
Ռուսական ИТАР-ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը ստորագրել է Ղրիմի թաթարների և թերակղզու՝ բռնություններից տուժած մյուս ժողովուրդների ռեաբիլիտացիայի (իրավունքների վերականգնման) մասին օրենքը: Պուտինն այս մասին հայտարարել է այսօր՝ բացելով Պետխորհրդի նիստը.
«Օգտվելով առիթից՝ ցանկանում եմ իմ գործընկերներին իրազեկել, որ ես ստորագրել եմ Ղրիմի թաթարների, հայերի, գերմանացիների, հույների, բոլորի ռեաբիլիտացիայի մասին հրամանը, ովքեր ժամանակին տուժել են ստալինյան բռնություններից»:
