Ժիրինովսկին ներողություն է խնդրել հղի լրագրողուհուց (տեսանյութ)
Lenta.ru-ի փոխանցմամբ՝ Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին ներողություն է խնդրել ապրիլի 18-ին Россия сегодня լրատվական գործակալության լրագրողուհուց՝ նրան վիրավորելու համար: Նշվում է, որ Ժիրինովսկին ներողություն է խնդրել երեկ՝ Россия 1 հեռուստաալիքի ուղիղ եթերում:
Ժիրինովսկին խոստովանել է, որ «մի փոքր» կոպիտ է վարվել հղի լրագրողուհու հետ. «Սկզբում ես նրան չէի էլ տեսել, և պարզվեց, որ նա հղի է: Ես ներողությում եմ հայցում նրանից և ընդհանրապես բոլորից, որոնց կարող է վիրավորած լինեմ: Մենք պետք է մշտապես զսպենք մեր հույզերը, որպեսզի մարդիկ չնեղանան մեզանից»:
