Ուկրաինայի ՆԳՆ-ը հաստատել է, որ Սլավյանսկում փոխհրաձգության հետևանքով երեք մարդ է զոհվել
ZN.UA-ի փոխանցմամբ՝ Ուկրաինայի ՆԳՆ-ը հաստատել է, որ ապրիլի 20-ին Սլավյանսկում՝ այսպես կոչված Դոնեցկի ժողովրդական հանրապետության կողմնակիցների ամրակետում, փոխհրաձգություն է տեղի ունեցել, ինչի հետևանքով երկու կողմից գրանցվել են տուժածներ:
Ժամը 02.20-ին անհայտ անձինք 4 ավտոմեքենայով մոտեցել են ամրակետին և կրակ են բացել այնտեղ հերթապահող մարդկանց վրա: Ի պատասխան, հակառակ կողմից նույնպես հնչել են կրակոցներ:
Ակտիվիստների կողմից արձակված կրակոցների հետևանքով մահացու վիրավորվել է 3 մարդ, որոնցից երկուսը տեղաբնակներ են, իսկ երրորդի ինքնությունը դեռ պարզված չէ: Վիրավորներին հոսպիտալացրել են:
