Հայտնի է դարձել Թուրքիայի պաշտպանության նախարարի նախիջևանյան այցի ստույգ ժամկետը. APA
Ադրբեջանական APA լրատվական գործակալության փոխանցմամբ՝ հայտնի է դարձել Թուրքիայի պաշտպանության նախարար Իսմեթ Յըլմազի նախիջևանյան այցի ստույգ ժամկետը: Ռազմական աղբյուրները գործակալությանը հայտնել են, որ Թուրքիայի պաշտպանության նախարարը Նախիջևանում կգտնվի մայիսի 14-15-ին:
Այցը տեղի է ունենում Ադրբեջանի պաշտպանության նախարար, գեներալ-գնդապետ Զաքիր Հասանովի հրավերով: Պլանավորված է, որ Յըլմազն այցի շրջանակներում հանդիպելու է Նախիջևանի Առանձին համազորային բանակի հրամանատարության և ինքնավար հանրապետության ղեկավարության հետ:
