Ներկա դրությամբ քաղաքական կոնկրետ պլաններ չունեմ ապագայի վերաբերյալ. Աբդուլլահ Գյուլ
Թուրքական Anadolu լրատվական գործակալության փոխանցմամբ՝ Թուրքիայի նախագահ Աբդուլլահ Գյուլը լրագրողների հետ ունեցած այսօրվա զրույցում հայտարարել է, որ չունի քաղաքական պլաններ ապագայի վերաբերյալ. «Ներկա դրությամբ քաղաքական կոնկրետ պլաններ չունեմ ապագայի վերաբերյալ»:
Գյուլի խոսքերով՝ ապագա պլաններ չունենալու մասին որոշել է հայտարարել, որպեսզի վերջ դնի տվյալ թեմայի շուրջ տարածում գտած բազում խոսակցություններին: Գյուլը հիշեցրել է, որ զբաղեցրել է երկրի պետական բոլոր կարևոր պաշտոնները և հպարտ է այդ կապակցությամբ:
Հիշեցնենք, որ Աբդուլլահ Գյուլը 18.11.2002-14.03.2003-ն ընկած ժամանակահատվածում զբաղեցրել է Թուրքիայի վարչապետի, 14.03.2003-28.08.2007-ն ընկած ժամանակահատվածում՝ Թուրքիայի արտգործնախարարի, 28.03.2003-28.08.2007-ն ընկած ժամանակահատվածում՝ Թուրքիայի փոխվարչապետի, և 28.08.2007-ից ցայժմ՝ Թուրքիայի նախագահի պաշտոնը:
