ԱՊՀ-ի տիրույթում կստեղծվի ՀՕՊ-ի միասնական համակարգ
ՌԴ ՊՆ-ի պաշտոնական մարմին Красная звезда-ի փոխանցմամբ՝ ԱՊՀ երկրների շտաբների պետերի հանձնաժողովի նիստի մասնակիցները պայմանավորվել են ԱՊՀ-ի տիրույթում ՀՕՊ-ի միասնական համակարգ ստեղծելու մասին: Այդ նիստն անցկացվել էր Բաքվում, այն նախագահել էր Ռուսաստանի զինված ուժերի Գլխավոր շտաբի պետ Վալերի Գերասիմովը:
Նիստի ժամանակ քննարկվել էր ՀՕՊ-ի և ռադիոտեղորոշիչ ճանաչման միացյալ համակարգի զարգացման հարցը և որոշվել էր հետխորհրդային տիրույթում ձևավորել սպառնալիքների զգուշացման ընդհանուր համակարգ:
Դա հնարավորություն կտա օրինակ Ռուսաստանի հյուսիսում վայրկենական իմանալ, թե ինչ ինքնաթիռ է ֆիքսել Տաջիկստանի հարավում գտնվող ռադիոտեղորոշիչ կայանը:
Տեղեկատվության փոխանակումն առնչվելու է նաև ավիացիային. ԱՊՀ երկրների օդային պաշտպանությունը կդառնա միասնական: Նիստի ժամանակ համաձայնեցվել է 2015 թվականին ԱՊՀ երկրների զինված ուժերի համատեղ միջոցառումների պլանը:
