Մոսկվան պատրաստ է Ուկրաինայի վերաբերյալ բազմակողմ բանակցություններին. Լավրով
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը մանրամասնել է, թե ինչպես է տեսնում Ուկրաինայում ստեղծված իրավիճակի կարգավորումը.
«Այն բանից հետո, ինչ Ուկրաինայում իրականացվեց սահմանադրական հեղաշրջում, մենք կոչ արեցինք վերադառնալ փետրվարի 21-ի համաձայնագրին: Այդ կոչերն անտեսվեցին, իսկ այժմ մեզ ասում են, որ դա անցյալում է, եկեք մտածենք, թե ինչպես ենք գործելու՝ ելնելով տեղի ունեցածից: Դա լուրջ քաղաքականություն չէ և ոչ էլ ազնիվ քաղաքականություն է»:
Լավրովը հայտարարել է, որ Մոսկվան պատրաստ է Ուկրաինայի ճգնաժամի կարգավորման վերաբերյալ բազմակողմ բանակցություններին, որոնց կմասնակցեն նաև ԱՄՆ-ը, ԵՄ-ը և Ուկրաինան: Լավրովը հատուկ ընդգծել է, որ Ռուսաստանը չի հրաժարվում Կիևի ներկայիս իշխանությունների հետ երկխոսելուց:
